بحب ميكى وأنا بشرب بيبسى وبأكل شيكولاتة .. ناس كثير بتسألنى لية بحب ميكى ؟؟مش ميكى تحديدا لكن المجلة نفسها بحب قوى بطوط وهو هيموت من محظوظ علشان زيزى .. بحب سوسو ولولو وتوتو وهما بيعملوا مقالب فى بطوط .. ولا لما بطوط بيجنن عم دهب .. وبندق لما بيساعد ميكى سعات وهو مش فاهم حاجة خالص .. ومع ذلك بيحل اللغز !!
أما الساحرة سونيا مع انها ساحرة بس بتصعب عليا قوى ولا مرة عرفت تاخد قرش الحظ .
بالنسبالى ميكى دى حالة ..حالة بتاخدنى لدنيا نفسى اعيشها دنيا فيها حقيقة وبس .. الحب واضح .... و الكره ملوش مكان .. فى غيظ .. نرفزة.. بس الكره مش موجود ..وهى دى كانت دنيتنا و احنا صغيرين .
وأتعلمت من ميكى حاجات كتير اتعلمت من بطوط التلقائية ..ومن عم دهب وأنا صغيرة التحويش .. ومن ميكى التفكير فى أبعد الحلول ومن سوسو ولولو وتوتو أن مش الكبار بس اللى صح الصغيرين أحيانا بيبقوا أصح .
أما من الساحرة سونيا عدم اليأس والإصرار على المحاولة حتى ولو فى النهاية هتنتهى بالفشل ..
عرفتوا لية بقى أنا بحب ميكى ...
هناك 8 تعليقات:
ana kman ba7eb mickey aweeeeeeeeeeeeeeee
جميل جدا البوست ده
ملحوظة : ابقى كبرى الخط شوية
thnx onas :)
thnx mahmoud bs msh 3arfa akbr el font ezay ?
keter sa2ltk ezay micky m3 el shoklata w el pepsi
zy bezbt ma s2ltk eshm3na el kajo m3 el pepsi hoa maza ????
ana nefsy 2la2y nas zy elly fi el kotb 2w 7ata el mgalat
hahahaha Ayazzzzzz hya trkeba keda pepsi we mickey 2bl ma anam we fe el sheta cakaw we biscuits we ana kaman nefsy 2la2y nas zay el sha5syat ely fe mickey :)
ana kman b7eb mickey w b2rah le3áyet delwa2ty ;)
ana msh hwayty erayet mickey bs b3d ma aryt ra2yk 7aset ene me7taga a2ra lelsha5syat de ..nader awe lma tela2e sha5syat wad7a keda w betet3almy menhom 7aga..haro7 b2a ageb choclate w pepsi w mickey :) ...nice words ya sally
bgd ya Heba rabna y5aleki ana etbsat awii mn ra2yk da :)
إرسال تعليق