أول يوم كلية كنت عايشه الأحلام الوردية ذي كل الناس .. وان يمكن ألاقى فتى احلامى ذي سعاد حسنى ما شافت حسين فهمي ..ما علينا حتى لو ملقتهوش مش مهم هلاقى تعليم رائع.. تكيفات .. كمبيوترات ..وهقول إية دا كلة إية دا كلة .
أول يوم .. وربنا ما يورى حد أول يوم شوفته في الكلية لقيت الناس غريبة بالنسبة للبنات طالعة فيها جدا معرفش لية وبالنسبة للولاد كانوا غريبين جدا . حمدت ربنا أن معايا ضحى صاحبتي من أيام المدرسة كانت أول محاضرة عندنا قررنا أننا نحاول نحجز بسرعة عشان نلحق مكان فى الصف الأول ونسمع ونكتب كل كلمة وننجح بعد كدا نجاح باهر ... وتقريبا مكنش فى حاجة هتحصل من كل دا غير كلمة باهر يمكن نقابل بعد كدا واحد اسمه باهر ولا حاجة ..
المهم فعلا لقينا مكان رائع ومتميز جدا ..تحت رجل الدكتورة بالظبط .
كنا حاجزينه بالكشاكيل اللي كنا هكتب فيها (بس أنا كنت قاعدة في بلاطة اكبر من بتاعت ضحى مستويات بردة ) وكنا سامعين كل حاجة فعلا بس مش شايفين ولا كلمة .
طبعا دي كانت أقسى حقيقة شوفناها بعد أماكنا في المدرسة وطابور المدرسة وكل حاجة كنا شايفانها عذاب بقت بعد كدا جنه وقلنا ولا يوم من أيام المدرسة وحتى الثانوية العامة اللي كنا مش طايقنها فجأة حسينا أنها أحلى أيام واكتشفنا أن التعليم مبقاش سهل ذي زمان وإننا لازم نتعب ونكافح من أول يوم عشان أبسط حاجة نلاقى مكان تحت رجل الدكتور .
هناك 4 تعليقات:
kanet a7la ayam ayam elmadrasa....bezat enha kanet m3 so7ab msh ha3rf a3awdhom tany
sa7 f3lan kant el madrasa m3 a7san nas nas mtet3wdsh
bgd ya sally nafs a7sasy fe awl yom kolya... ana fakra kont barga3 a3yat la mama 3alshan elzahma wa el nas fa3lan kant 3'aryba 3alyna fa3lan ayam matt3wadsh wa as7ab matt3wadsh
bgd ya sally nafs a7sasy fe awl yom kolya... ana fakra kont barga3 a3yat la mama 3alshan elzahma wa el nas fa3lan kant 3'aryba 3alyna fa3lan ayam matt3wadsh wa as7ab matt3wadsh
إرسال تعليق